Majina ya Walioitwa Kwenye Usaili Shirika la Ndege Tanzania (ATCL) 25/01/2026

KAMPUNI YA NDEGE TANZANIA

Kumb. Na: CAC.29/86/01/B/58 Tarehe: 25 Januari, 2026

TANGAZO LA KUITWA KWENYE USAILI

Kampuni ya Ndege Tanzania inapenda kuwataarifu wote walioomba kazi katika kada mbalimbali kuwa usaili unatarajiwa kuendeshwa kuanzia tarehe 31 Januari, 2026 hadi tarehe 6 Februari, 2026.

RATIBA YA USAILI

• Usaili wa Mchujo: Utafanyika tarehe 31 Januari, 2026.
• Usaili wa Mahojiano: Utafanyika kuanzia tarehe 3 Februari hadi 6 Februari 2026.
• Muda na Mahali: Maelezo ya muda na sehemu ambapo usaili utafanyika yameainishwa kwenye orodha ya majina (katika tangazo kamili).

MAAGIZO MUHIMU KWA WASAILIWA

• Vitambulisho: Kila msailiwa anapaswa kuwa na kitambulisho kwa ajili ya utambuzi. Vitambulisho vinavyokubalika ni: Kitambulisho cha Mkazi, Kitambulisho cha Mpiga Kura, Kitambulisho cha Kazi, Kitambulisho cha Taifa, Hati ya Kusafiria, au Leseni ya Udereva.
• Vyeti Halisi (Originals): Wasailiwa wanatakiwa kufika na vyeti vyao halisi, kuanzia Cheti cha Kuzaliwa, Kidato cha Nne, Sita, Astashahada, Stashahada, Stashahada ya Juu, na Shahada kulingana na sifa za mwombaji.
• Nyaraka Zisizokubalika: "Testimonials", "Provisional Results", "Statement of Results", na Hati za Matokeo (Result Slips) za Kidato cha Nne na Sita HAZITAKUBALIWA na wahusika hawataruhusiwa kuendelea na usaili.
• Gharama: Kila msailiwa atajigharamia kwa chakula, usafiri, na malazi.
• Uzingatiaji wa Ratiba: Kila msailiwa azingatie tarehe, muda, na mahali alipopangiwa kufanyia usaili.
• Tofauti ya Majina: Wasailiwa wenye tofauti ya majina katika vyeti vya elimu, taaluma, na cheti cha kuzaliwa wahakikishe wanakuwa na Kiapo cha Kubadilisha Majina kilichosajiliwa (DEED POLL).
• Waliozaliwa Nje ya Nchi: Wasailiwa waliozaliwa nje ya Tanzania wahakikishe wanawasilisha uthibitisho wa uraia kutoka Ofisi za Uhamiaji.
• Wasioitwa: Waombaji kazi ambao majina yao hayakuonekana katika tangazo hili watambue kuwa hawakukidhi vigezo.