Kuitwa Kazini Taasisi za Umma 19-01-2026 (Usaili Uliofanyika 04-01-2025 na 22-12-2025)

SEKRETARIETI YA AJIRA KATIKA UTUMISHI WA UMMA

Kumb. Na. JA. 9/ 18/01" D"/89 Tarehe: 19/01/2026

TANGAZO LA KUITWA KAZINI

Katibu wa Sekretarieti ya Ajira katika Utumishi wa Umma anapenda kuwataarifu waombaji kazi wa nafasi mbalimbali waliofanya usaili kati ya tarehe 04-01-2025 na tarehe 22-12-2025 kuwa matokeo ya waombaji kazi waliofaulu usaili huo ni kama yalivyoorodheshwa katika tangazo hili. Orodha ya majina haya pia inajumuisha baadhi ya wasailiwa waliokuwa kwenye kanzidata (Database) kwa kada mbalimbali ambao wamepangiwa vituo vya kazi baada ya nafasi kupatikana.

Maelekezo Muhimu kwa Waliofaulu

• Upatikanaji wa Barua: Wasailiwa wote waliofaulu usaili na kupangiwa vituo vya kazi watapata barua zao kupitia akaunti zao za Ajira Portal kwenye sehemu ya My Applications. Wanapaswa kupakua na kutoa nakala (Download and Print) barua hizo kwa ajili ya kuripoti kituoni.
• Utaratibu wa Kuripoti: Waliofaulu wanatakiwa kuripoti kwa mwajiri katika muda ulioainishwa kwenye barua zao.
• Uhakiki wa Vyeti: Ni lazima kufika na vyeti halisi (Original Certificates) za masomo kuanzia kidato cha nne na kuendelea ili vihakikiwe na mwajiri kabla ya kupewa barua ya ajira.

Ujumbe kwa Ambao Majina Hayapo

• Kwa waombaji ambao majina yao hayapo katika tangazo hili, watambue kuwa hawakupata nafasi au hawakufaulu usaili kwa awamu hii. Wanahimizwa wasisite kuomba tena nafasi nyingine za kazi zitakapotangazwa.